Vel gert hjá Jóhönnu og félögum

Ég settist niður við sjónvarpið þegar lag númer 9 var fluttog var nánast viss um að ég hefði misst af íslendingunum. Ég leit í Moggann og sá að framlag Íslands yrði númer 12 þannig að ég ákvað að sitja næstu tvö lög af mér og hlusta síðan á Jóhönnu.

Ég má hrósa happi yfir að hafa ekki misst af herlegheitunum því Jóhanna var frábær, söng óaðfinnanlega, geislaði af fegurð og þokka, allt atriðið var smekklegt og manni leið bara vel á meðan á því stóð og á eftir.

Ég og bóndi minn skelltum okkur síðan í 5 km göngu og þegar við komum heim fréttum við að Jóhanna og félagar hefðu komist áfram í úrslitakeppnina sem fer fram á laugardaginn og það er bara gaman.

Mikil ánægja með úrslitin